Blog Asociación Amigos de Francisco Carballo

O LIBRO DE CONVERSAS PENEIRADO NA REVISTA "YUCA" (8)

No número de maio/xuño (2004) da revista "Yuca", Abel Yebra segue peneirando o libro de "Conversas con Francisco Carballo" (Prol / Carballa, 2002). No apartado Relixión e Ciencia, imprenta verbas, que o presbítero ilustrado de Maceda avanzaba sobre un tema abondo salientábel, que nós lle tiñamos formulado: "A Ciencia non me di que existe Deus, nin que non exista. A única instancia miña da miña aceptación de Deus é Xesús, e non teño outra, nin filosófica, nin científica". Históricamente a Igrexa tívolle medo á Ciencia. Hoxe, dende Pío XII ("Divino Affante Spiritu") e Xoán XXIII "Pacem in Terris") xa non. É algo superado. A teoría do "Big-Bang" non contradí as teorías bíblicas dunha Creación. Si dicimos que todo o Universo procede dun primeiro punto que se desprega, estamos admitindo que hai algo que se nos escapa á análise e que dicimos que é Deus".

N.B.- Na imaxe podemos ollar parte do edificio dos PP Paúles de Salamanca, cuxo reitorado estivo abandeirado por Francisco Carballo dende mediados da década dos 60 até o seu regreso a Galiza en 1973.

Comentarios

No hay ningún comentario

Añadir un Comentario: